ओखलढुंगाका राई कोटेश्वरबाट पक्राउ
काठमाडौं । काठमाडौंबाट प्रहरीले २२ वर्षीय सुरज राईलाई पक्राउ गरेको छ ।
राईले पोर्चुगल पठाइदिन्छुभन्दै रकम ठगी गरेको अभियोग गरेको प्रहरीले जनाएको छ ।
खोटाङको दिक्तेल नगरपालिका–१० पाथेका घर भई हाल काठमाडौं महानगरपालिका–३२ कोटेश्वर बस्ने राईलाई बिहीबार प्रहरीले पक्राउ गरेको विज्ञप्तिमार्फत जनाएको छ ।
वैदेशिक रोजगारका लागि पोर्चुगल जानको लागि ९ लाख रुपियाँ लाग्छ भनेर राईले ठगी गरेका थिए ।
पोर्चुगल पुगेपछि होटलमा मासिक १ लाख रूपियाँभन्दा बढी तलबमा हुने काम लगाइदिन्छु भन्दै राईले प्रलोभनमा पारेका थिए ।
पीडितबाट पटक–पटक गरी ३ लाख ४२ हजार रूपियाँ लिई ठगी गरेकोले पक्राउ गरी उपस्थित गराउन वैदेशिक रोजगार विभागले प्रहरीलाई आदेश दिएको थियो ।
उनलाई थप अनुसन्धान तथा कारवाहीका लागि वैदेशिक रोजगार विभाग बुद्धनगर काठमाडौं पठाइएको छ ।
उता, प्रहरीले थाइल्याण्ड पठाइदिन्छु भन्दै रकम ठगी गरेको अभियोगमा चितवन भरतपुर महानगरपालिका–२७ बालुवा घर भई हाल काठमाडौं टोखा नगरपालिका–९ म्याग्दी चोक बस्ने ३१ वर्षीय नन्दलाल महतोलाई बुधबार प्रहरीले पक्राउ गरेको छ ।
वैदेशिक रोजगारका लागि थाइल्याण्ड पठाइ प्रतिष्ठित कम्पनीमा मासिक १ लाख रूपियाँभन्दा बढी तलबमा हुने काम लगाइदिन्छु भन्दै प्रलोभनमा पारेका थिए ।
पीडितबाट पटक पटक गरी ३ लाख ५० हजार रूपियाँ लिई ठगी गरेकोले पक्राउ गरी उपस्थित गराउन वैदेशिक रोजगार विभागबाट पत्राचार भएपछि पक्राउ गरिएको थियो ।
प्रहरीले उनलाई काठमाडौं टोखा नगरपालिका–९ म्याग्दी चोकबाट पक्राउ गरेको हो ।
उनलाई थप अनुसन्धान तथा कारवाहीका लागि वैदेशिक रोजगार विभाग बुद्धनगर काठमाडौं पठाइएको छ ।
प्रहरीले विभिन्न व्यक्तिहरूको खातामा रकम पठाउन लगाई ठगी गरेको अभियोगमा ललितपुर महानगरपालिका–२ सानेपा बस्ने ३१ वर्षीय अनिल मालाकारलाई प्रहरीले पक्राउ गरेको छ ।
आइएमई कार्यालयमा गई विभिन्न व्यक्तिहरूको नाममा रहेका बैंक खाताहरूमा रकम पठाउनु पर्नेछ भनि खाता नम्बर र खातावालाको नाम समेत दिई पटक–पटक गरी जम्मा ३ लाख रूपियाँ रकम पठाउन लगाई आइएमई कार्यालयका संचालकलाई आइएमई गरेको रकम नदिई बाहिर गई फोनमा कुरा गरे जस्तो गरी भागी फरार रहेका उनलाई प्रहरीले पक्राउ गरेको हो ।
उनलाई ठगी सम्बन्धी कसूरमा आवश्यक अनुसन्धान एवं कारवाहीको लागि जिल्ला प्रहरी परिसर टेकु काठमाडौंमा पठाइएको छ ।
फेसबुकबाट तपाईको प्रतिक्रिया