बानेश्वरबाट विमला पक्राउ
काठमाडौं । काठमाडौं उपत्यका अपराध अनुसन्धान, कार्यालय मीनभवनले ५१ वर्षीया महिला विमला थापालाई पक्राउ गरेको छ ।
विमलाले मलेसिया पठाइदिन्छु भन्दै रकम ठगी गरेको अभियोगमा प्रहरीले पक्राउ गरेको विज्ञप्तिमार्फत जनाएको छ । सोमबार उनलाई पक्राउ गरिएको थियो ।
विमला काठमाडौं महानगरपालिका–१० बानेश्वर थापागाउँ बस्दै आएकी थिइन् ।
उनले वैदेशिक रोजगारीको लागि मलेसिया पठाइदिन्छु भनेर ठगी गरेको अभियोग लागेको छ ।
राम्रो कम्पनीमा काम लगाईदिन्छु भन्दै उनले पीडितलाई प्रलोभनमा पारी रकम लिई ठगी गरेकोले पक्राउ गरिएको प्रहरीले जनाएको छ ।
वैदेशिक रोजगार विभागबाट पत्राचार भएपछि काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरीले उनलाई काठमाडौं बानेश्वर थापागाउँबाट पक्राउ गरेको हो ।
उनलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर काठमाडौंमा पठाइएको छ ।
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया