घाँटी काटेर हत्या भएको शव फेला
जनकपुर । धनुषा जिल्लामा घाँटी काटेर हत्या गरेको अवस्थामा ३५ वर्षीय पुरुषको शव भेटिएको छ ।
आइतबार बिहान नगराइन नगरपालिका– ५ गाँगुलीमा पहिचान हुन नसकेको शव फेला परेको धनुषा प्रहरीका प्रवक्ता एवं डीएसपी जितेन्द्र बस्नेतले जानकारी दिएका छन् ।
मृतकको सनाखत हुन सकेको छैन । उनको शनिबार राति हत्या भएको हुनसक्ने प्रहरीको अनुमान छ ।
शवलाई पोष्टमार्टमका लागि प्रादेशिक अस्पताल जनकपुरधाम पठाइएको छ । घटनाबारे अनुसन्धान भइरहेको प्रहरीले जनाएको छ ।
Published : Sunday, 2021 October 17, 12:20 pm
फेसबुकबाट तपाईको प्रतिक्रिया