कांग्रेसको अधिवेशनहरूको कार्यतालिका पुनः सर्यो
काठमाडौं । नेपाली कांग्रेसले आफ्नो कार्यतालिकामा फेरि हेरफेर गरेरको छ ।
काठमाडौंमा शुक्रबार बसेको कांग्रेसका शीर्ष नेताहरूको बैठकले अधिवेशन गर्न बाँकी रहेका गाउँ/नगर वडा अधिवेशनलाई असोज ५ गतेसम्म पुर्याएको छ । यो व्यवस्था अधिवेशन गर्न बाँकी रहेका २० जिल्लामा लागू हुनेछ ।
गाउँ र नगरपालिकाको अधिवेशन असोज ९ गते पुर्याइएको छ । प्रदेश सभा क्षेत्री अधिवेशन १२ गते हुनेछ ।
प्रतिनिधि सभा क्षेत्रीय अधिवेशन एक मात्र प्रतिनिधि सभा निर्वाचन क्षेत्र भएको जिल्ला अधिवेशन असोज १५ गतेका लागि तोकिएको छ ।
एकभन्दा बढी प्रतिनिधि सभा निर्वाचन क्षेत्र भएको जिल्ला अधिवेशन असोज १८ गतेका लागि तोकिएको छ ।
प्रदेश अधिवेशन कात्तिक १०, ११ र १२ गतेका लागि तोकिएको छ । केन्द्रीय महाधिवेशन मंसिर ९, १०, ११, १२ र १३ गते काठमाडौंमा गर्ने गरि तोकिएको महामन्त्री पूर्णबहादुर खड्काले जानकारी दिएका छन् ।
फेसबुकबाट तपाईको प्रतिक्रिया