भरतपुरमा युवकको शव फेला, गोलीको खोका पनि भेटियो
भरतपुर । चितवनको भरतपुर महानगरपालिका– १७ स्थित बनगाई डेरी चोक नजिकै एक युवकको शव फेला परेको छ ।
अन्दाजी ३० वर्षीय युवकको शव शंकास्पद अवस्थामा फेला परेको प्रहरीले जनाएको छ । शवको पहिचान भएको छैन ।
डेरी चोकबाट दक्षिणतर्फ शारदानगर जाने बाटोतर्फको बीचमा रहेको घोलमा युवकको शव फेला परेको हो ।
शव डुबेको अवस्थामा देखेपछि स्थानीयले प्रहरीलाई खबर गरेका थिए । मृतकको टाउकोमा गोली लागेको जस्तो देखिएको छ ।
घटनास्थलमा एक थान गोलीको खोका समेत भेटिएको प्रहरीको भनाइ छ । प्रहरीले घटनाको अनुसन्धान गरिरहेको जिल्ला प्रहरी कार्यालय चितवनका प्रमुख एसपी ओम अधिकारीले जानकारी दिएका छन् ।
Published : Thursday, 2021 July 22, 11:03 am
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया