नारायण गोपालको कम्पोजमा शिशिर योगीको स्वर
काठमाडौं । गायक शिशिर योगीको स्वरमा ‘एकमुठी चालम’ बोलको गीत सार्वजनिक भएको छ ।
स्वर सम्राट स्व.नारायण गोपालको कम्पोज रहेको यो गीतलाई रत्नशम्शेर थापाले लेखेका हुन् ।
गीतको एरेञ्ज अमुल कार्की ढलीले गरेका छन् । गीत लोक आधुनिक शैलीमा छ ।
नारायण गोपालले कम्पोज गरेको यो गीत बिरलैमा पर्छ । गायक योगीले नारायण गोपाल र रत्नशम्शेर थापाको सम्मानमा गीत गाएका हुन् ।
‘यो गीत गाउन पाउनु मेरो सौभाग्य ठान्छु’, गायक योगीले भने, ‘नारायण गोपालद्वारा कम्पोज गरिएको गीतहरू बिरलै छन् । यस्तो ऐतिहासिक गीत मेरा लागि अत्यन्तै महत्वपूर्ण छ ।’
गीतको म्युजिक भिडियोलाई हाइलाइटस नेपालको युट्युब च्यानलमार्फत सार्वजनिक भएको छ ।
Published : Wednesday, 2020 October 21, 8:09 am
फेसबुकबाट तपाईको प्रतिक्रिया