काठमाडौंमा फेरि सहकारीमा ठूलो काण्ड, धापाखेलबाट मान्छे पक्राउ
काठमाडौं । काठमाडौंमा सहकारी संस्थामा ठगी गरेको अभियोगमा राजकाजी खड्गी पक्राउ परेका छन् ।
४४ वर्षीय खड्गीले ५ करोड ६७ लाख रुपियाँ ठगी गरेको अभियोगमा पक्राउ गरेको प्रहरीले जनाएको छ ।
महानगरपालिका–२१ न्युरोडस्थित नौलो परिवेश बचत तथा ऋण सहकारी संस्था लिमिटेडको ५ करोड ६७ लाख रुपियाँ ठगी गरेको अभियोगमा काठमाडौं महानगरपालिका–३१ बस्ने खड्गीलाई मंगलबार पक्राउ गरेको प्रहरीको विज्ञप्तिमा उल्लेख छ ।
खड्गी सहकारीको प्रबन्धक पदमा ७ वर्षसम्म कार्यरत रहँदा हिसाव तथा सहकारीको बैंक खाता सञ्चालन समेतको सम्पूर्ण जिम्मा लिई हिसाबको विवरण नदेखाई रकम ठगी गरेर फरार रहेका थिए ।
उनलाई महानगरीय अपराध महाशाखा मीनभवनबाट खटिएको प्रहरीले ललितपुर महानगरपालिका–२३ धापाखेलबाट पक्राउ गरेको थियो ।
उनलाई आवश्यक कारवाहीको लागि महानगरीय प्रहरी परिसर टेकु पठाइएको उक्त महाशाखाले जनाएको छ ।
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया