बागलुङ । नेपाली कांग्रेसका प्रवक्ता तथा पूर्वअर्थमन्त्री डा.प्रकाशशरण महतले देशमा जति नयाँ पार्टी खुले पनि पुरानै पार्टीले मुलुक परिवर्तनमा महत्वपूर्ण भूमिका निर्वाह गरेको बताएका छन् ।

मंगलबार नेपाली कांग्रेस बागलुङ जिल्ला कार्यसमितिले बागलुङमा आयोजना गरेको कार्यकर्ता भेटघाटमा डा.महतले ०४६ को परिवर्तनपछि देशमा विकास निर्माणका कार्यले गति लिएको बताए । उनले नेपाली कांग्रेस आगामी निर्वाचनमा कुनै पनि राजनीतिक दलसँग गठबन्धन नगरी एक्लै प्रतिस्पर्धामा जानुपर्ने बताए ।

कांग्रेसका प्रवक्ता डा.महतले सरकारमा सहभागी राजनीतिक दलले जनता केन्द्रित काम गर्नुपर्ने बताएका छन् ।

डा.महतले वर्तमान सरकारसँग जनताले विकास निर्माणलगायत जनजीविकाका विषयमा धेरै अपेक्षा गरेको बताएका छन् ।

कार्यक्रममा बागलुङ कांग्रेसका सभापति एवम् गण्डकी प्रदेशसभाका सदस्य जितबहादुर शेरचन, कांग्रेसका केन्द्रीय सदस्य गोविन्द भट्टराई लगायतका नेता कार्यकर्ताको उपस्थिति रहेको थियो ।