अवकासमा गए डीआइजी पोखरेल, नक्सालमा विदाइ

काठमाडौं । नेपाल प्रहरीका निमित्त प्रहरी महानिरीक्षक प्रहरी अतिरिक्त महानिरीक्षक टेकप्रसाद राईले प्रहरी सेवाबाट सेवा निवृत्त भएका प्रहरी नायव महानिरीक्षक (डीआइजी) यज्ञविनोद पोखरेललाई विदाइ गरेका छन् ।

सोमबार नेपाल प्रहरी प्रधान कार्यालयमा आयोजित कार्यक्रममा एआइजी राईले डीआइजी पोखरेललाई विदाइ गरेका हुन् ।

निमित्त प्रहरी महानिरीक्षक राईले सेवा निवृत्त भएका प्रहरी नायव महानिरीक्षक पोखरेलले संगठनबाट सुम्पिएको जिम्मेवारी इमानदारिताका साथ सम्पन्न गरेको बताएका छन् ।

राईले सेवानिवृत्त भएका प्रहरी नायव महानिरीक्षक पोखरेललाई मायाको चिनो प्रदान गरेका छन् । सेवा निवृत्त भएका प्रहरी नायव महानिरीक्षक पोखरेल विक्रम संवत् २०५२ कात्तिक २७ गते प्रहरी निरीक्षक पदमा नियुक्त भई प्रहरी सेवामा प्रवेश गरेका थिए । प्रहरी नायव महानिरीक्षक पोखरेल असोज १४ गतेबाट सेवा निवृत्त भएको हुन् ।

Published : Monday, 2024 September 30, 11:54 pm