महेन्द्रनगर । गृहमन्त्री रमेश लेखकले अहिलेको संविधान जनताका लागि थप उपयोगी बनाउन संशोधन गर्न लागिएको बताएका छन् ।

बुधबार महेन्द्रनगरमा आयोजित कार्यक्रमलाई सम्बोधन गर्दै लेखकले संविधान संशोधनको मुद्दामा कोही पनि झस्किनु नपर्ने बताए ।

उनले भने, ‘संविधान संशोधनको मुद्दा हामीले ल्याएका हौं । अहिलेको संविधानले व्यवस्था गरेको हो, कसैले झस्किनु पदैन ।’

‘संघीय लोकतान्त्रिक शासन व्यवस्थालाई थप सुदृढ बनाउन र जनताका लागि थप उपयोगी बनाउन संविधान संशोधन गर्नु परेको हो’, लेखकले भनेका छन् ।

उनले संविधान संशोधनको विषयलाई राजनीतिक शंकाको घेरामा राख्ने र अपव्याख्या गर्ने कार्य नगर्न आग्रह गरेका छन् ।

संसदमा भएका दुई ठूला दलहरूबीच सहमति भएर नयाँ राजनीतिक समीकरण बनाएको गृहमन्त्री लेखकले बताएका छन् ।

उनले भने, ‘दुई दलबीच सात बुँदे सहमति भएर सरकार निमार्ण भएको छ । कांग्रेस र एमाले मिलेर अन्तरिम संविधान बनायौं । सशस्त्र द्वन्द्वलाई शान्तिमा ल्यायो ।’