परराष्ट्रमन्त्री डा.राणाको निमन्त्रणामा ओमनका विदेशमन्त्री नेपाल भ्रमणमा

काठमाडौं । परराष्ट्रमन्त्री डा.आरजु राणा देउवाको निमन्त्रणामा ओमनका विदेशमन्त्री सैयद बद्र बिन हमाद बिन हमुद अल्बुसइदी काठमाडौं आएका छन् ।

सोमबार विदेशमन्त्री सैयद काठमाडौं आइपुगेका हुन् । सैयदलाई परराष्ट्र सचिव सेवा लम्सालले त्रिभुवन अन्तर्राष्ट्रिय विमानस्थलमा स्वागत गरेकी छिन् ।

सन् १९७७ देखि ओमन नेपालबीच सम्बन्ध स्थापित भए पनि नेपालमा ओमनको दुतावास छैन ।

दिल्लीबाटै नेपाल हेर्ने गरेको ओमनमा नेपालबाट वैदैशिक रोजगारका लागि श्रमिकहरू जाने गरेका छन् ।

विदेशमन्त्री सैयदले नेपाल भ्रमणमा दुई देशबीचको सम्बन्ध, श्रम कुटनीति लगायत विषयमा छलफल गर्नेछन् ।

सैयदले राष्ट्रपति रामचन्द्र पौडेल र प्रधानमन्त्री केपी ओलीलाई भेट्ने कार्यक्रम छ । परराष्ट्रमन्त्री डा.राणासँग ओमनका विदेशमन्त्री सैयदले दुईदेशीय हितमा छलफल गर्नेछन् ।