फेसबुकले १२ अर्ब डलरको शेयर बेच्ने

लसएञ्जलस । फेसबुकका संस्थापक मार्क जुकरबर्गले १२ अर्ब डलर जुटाउनका लागि फेसबुकको ठूलो हिस्सा शेयर बेच्ने बताएका छन् । यो फन्ड उनले समाज सेवामा खर्च गर्ने बताएका छन् ।

आगामी १८ महिनामा उनले साढे तीन करोडदेखि साढे सात करोड कित्ता शेयर बेच्ने योजना सार्वजनिक गरेका छन् ।

यो पूँजी उने बालबालिकाको शिक्षा तथा बिभिन्न रोगहरूको उन्मुलनका लागि सामाजिक कार्यमा लगाउन प्रयोग गर्ने बताए ।

डेढ वर्षदेखि फेसबुकको कारोबार एकदमै उत्साहजनक रहेको भन्दै जुकरबर्गले यसको शेयर धेरै नै उपल्लो स्तरमा पुगिसकेको बताए ।

आफ्नो जीवनकालमै उनी फेसबुकको ९९ प्रतिशत शेयरबाट मुक्त भएर समाज सेवामा लाग्ने समेत जुकरबर्गले स्पष्ट पारेका छन् । – एजेन्सी

Published : Tuesday, 2017 October 17, 8:44 am