काठमाडौं । अनामनगरमा गायिका नीतु पौडेलले आत्मदाहको प्रयास गरेकी छिन् ।

नीतुले आफ्नै जिउमा पेट्रोल छर्किएर आत्मदाहको प्रयास गरेकी हुन् । शनिबार रेकर्डिङ स्टुडियो नजिकै नीतुले आफूलाई जलाएर हत्याको प्रयास गरेकी हुन् । उनलाई तत्काल उद्दार गरी काठमाडौंको कीर्तिपुरस्थित बर्न अस्पतालमा उपचारका लागि लगिएको छ ।

एसपी भट्टराईका अनुसार, पौडेलसहित अर्का एक युवक पनि घटनामा घाइते भएका छन् । धनबहादुर गिरी नाम गरेका युवकसहित पौडेललाई कीर्तिपुरस्थित बर्न अस्पतालमा उपचारका लागि लगिएको जिल्ला प्रहरी परिसर काठमाडौंका प्रवक्ता (एसपी) पवन भट्टराईले बताए ।

आत्मदाहको प्रयास गरेकी गायिका नीतुले घटना हुनुअघि सामाजिक सञ्जालमा सन्देश समेत लेखेको पाइएको छ । नीतुले फेसबुक लेखेकी छिन्, ‘आज मैले जीवनको सबैभन्दा ठूलो निर्णय लिँदैछु अब ।’

भट्टराईका अनुसार घटनाको कारण खोजी भइरहेको छ । भट्टराईले घटनामा यदि कसैको संलग्नता भेटिए कानूनी कारबाही गरिने बताएका छन् । एसपी भट्टराईले गायिका नीतुको अवस्था सामान्य रहेको बताए । घटनापछि संगीतकार बाबुल गिरी पनि अस्पताल पुगेका छन् ।