जेनजीको आन्दोलनबाट डराएर भूमिगत भएका प्रचण्ड सार्वजनिक

काठमाडौं । जेनजी पुस्ताको आन्दोलनका कारण भूमिगत भएका नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ सार्वजनिक भएका छन् ।

मंगलबारदेखि दाहाल सार्वजकि भएका हुन् । दाहालले पेरिसडाँडास्थित पार्टी केन्द्रीय कार्यालयमा पुगेर क्षति भएको भौतिक संरचनाको अवलोकन गरेका छन् । उनले जेनजी पुस्ताले आगो लगाएर क्षति गरेको पार्टी कार्यालयलाई भव्य बनाउने घोषणा गरेका छन् ।

भदौ २३ गतेदेखि शुरु भएको जेनजी आन्दोलन भदौ २४ गते हिंसात्मक भइ नियन्त्रण बाहिर गएपछि अध्यक्ष दाहाल भूमिगत भएका थिए । दाहालले प्रत्येक दिन फरक फरक घरमा सेल्ट लिएर बसेको स्रोतले जनाएको छ ।

जेनजी पुस्ताको आन्दोलनमा सहभागी प्रदर्शनकारीको सम्भावित आक्रमणबाट डराएर अध्यक्ष दाहाल भूमिगत भएका थिए । सहज अवस्था हुन थालेपछि दाहाल सार्वजनिक भएका छन् ।

Published : Tuesday, 2025 September 16, 8:44 pm