काठमाडौं । नेपाली कांग्रेसका महामन्त्री गगन थापाले सरकारले तुरुन्त काम गर्नुपर्ने भएकाले अध्यादेश ल्याएको बताएका छन् ।

आइतबार बसेको संसदीयको बैठकमा थापाले भने, ‘विधेयकको हाउसबाट ल्याउन खोजेको हो तर, तुरुन्त काम गर्छु भन्दा काम गर्न पाउँछ र अध्यादेश ल्याउन पनि पाउँछ भनेर उहाँले भन्नुभयो ।’

थापाले माओवादी नेतृत्वमा एमाले र रास्वपा सरकार हुँदा अहिलेको अध्यादेश ल्याउने तयारी भएको बताए ।

महामन्त्री थापाले अघिल्ला सरकारहरूले अध्यादेश ल्याउँदा सबैमा कांग्रेसले विरोध नगरेको बताएका छन् ।

कांग्रेसका सांसद समेत रहेका महामन्त्री थापाले सबै दलहरूसँग सरसल्लाह गरेर संविधान संशोधन हुने बताएका छन् ।
उता, भक्तपुरमा आइतबार आयोजित कार्यक्रममा महामन्त्री थापाले अहिलेका प्रधानमन्त्रीले भन्दा आफूले राम्रो काम गरेर देखाउने बताएका छन् । उनले अहिलेको प्रधानमन्त्री, अब बन्ने प्रधानमन्त्री वा यसअघिका प्रधानमन्त्रीहरूभन्दा युवा पुस्ताहरूबाट बन्ने प्रधानमन्त्रीले बढी राम्रो काम गरेर देखाउने बताए ।

महामन्त्री थापाले भने, ‘म अहिलेको प्रधानमन्त्री वा हुनेवाला प्रधानमन्त्री वा अस्ति भर्खर हुनुभएको प्रधानमन्त्रीभन्दा हामी राम्रो प्रधानमन्त्री चलाउन सक्छौँ भन्नकुरा म अहिले पनि विश्वास गर्दछु । आजको प्रधानमन्त्रीको ठाउँमा आजै बेलुका गएर हामीमध्ये कसैलाई प्रधानमन्त्री बनाउने हो भने अहिले चलाएको भन्दा राम्रो चलाउँछौँ ।’