अमेरिकाले उर्जामन्त्री घिसिङलाई दियो बधाइ र शुभकामना

काठमाडौं । ऊर्जा, जलस्रोत तथा सिँचाइ, भौतिक पूर्वाधार तथा यातायात एवं शहरी विकासमन्त्री कुलमान घिसिङसँग नेपालका लागि अमेरिकाका राजदूत डिन आर थम्पसनले भेट गरेका छन् ।

बुधबार सिंहदरबारस्थित ऊर्जा, जलस्रोत तथा सिँचाइ मन्त्रालयमा भएको भेटमा मन्त्री घिसिङलाई राजदूत थम्पसन अमेरिकातर्फबाट बधाई दिएका छन् । घिसिङको कार्यकालको सफलको अमेरिकाले शुभकामना व्यक्त गरेको छ ।

मन्त्री घिसिङसँगको भेटमा नेपाल–अमेरिकी सहयोग, अमेरिकी सहयोगमा सञ्चालित आयोजनाको कार्यान्वयन अवस्था, जेनजी आन्दोलनका क्रममा क्षति पुगेका सार्वजनिक संरचनाको पुनर्निर्माणलगायत विषयमा छलफल भएको छ ।

उर्जामन्त्री घिसिङले अहिलेको सरकारको मुख्य प्राथमिकताका रूपमा आन्दोलनका कारण क्षति भएका संरचनाको पुनर्निर्माण, निर्वाचन र सुशासन कायम गर्नु रहेको बताए । राजदूत थम्पसनले अमेरिकाले नेपाललाई गर्दै आएको सहयोग जारी रहने बताए ।

Published : Wednesday, 2025 September 24, 7:30 pm