भरतपुर । नेपाली कांग्रेसका नेता डा.शशांक कोइरालाले संविधान संशोधनका लागि सबै दलसँग सहकार्य गर्दै अघि बढ्ने बताएका छन् ।

मंगलबार भरतपुरमा पत्रकारहरूसँग कुरा गर्दै नेता डा.कोइरालाले संविधान संशोधनका लागि सबैसँग छलफल गरेर अगाडि बढ्न कांग्रेस तयार रहेको बताए ।

संविधान संशोधनका विषयमा विपक्षी दलहरूसँग समेत छलफल भइरहेको नेता डा.कोइरालाले बताएका छन् ।

उनले संविधान परिवर्तन गर्दा कुन बुँदामा गर्ने हो ? स्पष्ट हुनुपर्ने बताएका छन् ।

देशलाई स्थिरता र विकास दिनका लागि अहिलेको सरकार बनेको डा.कोइरालो बताए । दुई ठूला दल मिलेर बनेको सरकारले देशमा राजनीतिक स्थिरतासँगै विकास निर्माणमा जोड दिने बताएका छन् ।

उनले दुई ठूला दलको नेतृत्वमा बनेको सरकारले राजनैतिक स्थायित्वसँगै विकास निर्माणका लागि काम गर्नुपर्ने बताएका छन् ।

उनले भने, ‘अहिले नै सरकार परिवर्तन हुन्छ भन्ने मलाई लाग्दैन ।’ अब नेपालको विकासका लागि स्थिर सरकार दिएर अघि बढ्नुपर्ने उनले बताए ।