भारतबाट नेपाल प्रवेश गर्ने सवारी साधनलाई भन्सारमै सडक अनुमति दिने व्यवस्था गरौँ : कांग्रेस नेता शाह

काठमाडौं । नेपाली कांग्रेसका नेता अभिषेकप्रताप शाहले भारतबाट नेपाल प्रवेश गर्ने सवारी साधनलाई भन्सारमा नै सडक अनुमतिपत्र दिनुपर्ने व्यवस्थाको माग गरेका छन् ।

पूर्वसांसद समेत रहेका नेता शाहले भारतीय नम्बर प्लेटका सवारी साधनलाई रोड परमिटका विषयमा सरकारले भन्सारमा नै कार्यालय स्थापना गरेर सुविधान दिनुपर्ने बताए ।

उनले भने, ‘भारतबाट आउने स्थल/रोड यात्रीहरूलाई भंसारसँग सँगै रोड पर्मिटको पनि भंसार कै कार्यालयबाट कर लिने व्यवस्था मिलाउनुपर्छ । सम्बन्धित निकायको ध्यानाकर्षण होस् । जय नेपाल ।’

भारतबाट नेपाल प्रवेश गर्ने सवारी साधन र यात्रु बोकेका सवारी साधनलाई सडकमा ट्राफिक प्रहरीले चेकजाँचका नाममा निकै सास्ती दिने गरेको गुनासाहरू आइरहेका बेला कांग्रेस नेता शाहले भन्सार कार्यालयमा सडक अनुमतिपत्र दिनुपर्ने व्यवस्थाको माग गरेका छन् ।

Published : Monday, 2024 December 9, 11:01 am