भोजपुर । कोशी प्रदेशबाट नेपाल तरुण दलमा प्रतिनिधित्व गर्ने केन्द्रीय सदस्यहरूको भेला भोजपुरमा मंसिर अन्तिम साता आयोजना हुने भएको छ ।

भेला मंसिर २९ र ३० गते हुने तरुण दल भोजपुरले जनाएको छ । भेलालाई नेपाल तरुण दलका केन्द्रीय अध्यक्ष विद्वान गुरुङको सम्बोधन गर्नेछन् । उनले संगठनका विषयमा निर्देशन पनि दिनेछन् ।

नेपाल तरुण दलको केन्द्रीय कार्यसमितिमा रहेका कोशी प्रदेशका केन्द्रीय सदस्यहरूलाई एकै ठाउमा जुटाएर संगठनको साझा धारणाका विषयमा छलफल हुनेछ ।

तरुण दलका कोशी प्रदेशका केन्द्रीय सदस्यहरूको भेला आयोजना गरिएको भोजपुर तरुण दलका पूर्व जिल्ला अध्यक्ष तथा केन्द्रीय सदस्य जनक घलेले बताएका छन् । मंसिर २९ गते भोजपुरको सदरमुकाममा तरुण अध्यक्ष गुरुङले उद्टन गर्ने घलेले बताए ।

कार्यक्रम ३० गते भोजपुर र खोटाङको सिमानामा रहेको पर्यटकीय क्षेत्र टेम्के डाडाको अवलोकन र वनभोजमा सहभागी भएपछि समापन हुने नेपाल तरुण दल भोजपुरका अध्यक्ष ज्योति पौडेलले बताएका छन् ।