काठमाडौं । नेपाली कांग्रेसका नेता डा. शशांक कोइरालाले समाजका लागि सोचेमात्रै राजनीति हुने बताउँदै आफ्नो मात्र चिन्ता गरेर राजनीति भएको बताएका छन् ।

बुधबार काठमाडौंमा नेपाली कांग्रेस रामेछाप–काठमाडौं सम्पर्क समितिले आयोजना गरेको कार्यक्रममा डा.काेइरालाले नेपाली समाज वर्षौं पुरानो रहेको बताए । उनले त्यो समाजलाई निरन्तरता दिने काम नयाँ पुस्ताको भएको बताएका छन् ।

‘आज मान्छेले वीपी कोइरालालाई किन सम्झिन्छन्, उहाँ करोडपति वा अर्बपति त हुनुहुन्नथ्यो । किनभने उहाँले आफ्नो जीवन यस्तो प्रयोग गर्नुभयो,’ उनले भने, ‘उहाँले आफ्नो जीवन अरुका लागि व्याप्त गर्नुभयो । मान्छेले आफूबाट निस्किएर गएपछि मात्र राजनीति सुरु हुन्छ । आफ्नो बारेमा मात्र चिन्ता गरेर त्यस्तो राजनीति चल्दैन ।’

नेपाली कांग्रेसले वीपी कोइरालाका विचार अंगालेर अघि बढ्न जरुरी रहेको डा.काेइरालाले बताएका छन् । उनले कुनैपनि नेताले समाजका लागि सोच्न जरुरी रहेको बताए ।

‘हाम्रो समाज हजारौं वर्षदेखि चलिआएको समाज हो । त्यो समाजको निरन्तरता हामीले दिने हो । बीपी कोइरालाको जुन विचार छ, त्यो विचारमा अडिएर हामीले अगाडि बढ्नुपर्छ,’ उनले भनेका छन् ।