कम्युनिस्टबाट हत्या भएका रोल्पाका रोहित पुनलाई तरुण शहीद घोषणा

काठमाडौं । नेपाल तरुण दलले रोल्पाका तत्कालीन तरुण दल नगर अध्यक्ष रोहित पुनलाई तरुण शहीद घोषणा गरेको छ ।

आइतबार भक्तपुरमा सम्पन्न केन्द्रीय कार्यसमितिको बैठकले पुनलाई शहीद घोषणाका लागि नेपाल सरकारसँग पहल गर्ने निर्णय गरेको अध्यक्ष विद्वान गुरुङले बताएका छन् । तरुण दलले पुनलाई तरुण शहीद घोषणा गरे पनि राष्ट्रिय शहीदका लागि पहल गर्ने गुरुङले बताए ।

पुनलाई राष्ट्रिय शहीद घोषणा गर्न सरकारसँग आग्रह गर्ने निर्णय भएको अध्यक्ष विद्वान गुरुङले बताएका छन् ।
छ वर्ष अगाडि नगर अध्यक्ष पुनलाई कम्युनिस्टहरूको अपराधिक समूहले हत्या गरेको थियो ।

तरूण दलका अध्यक्ष पुनलाई रोल्पा नगरपालिका १० धबाङ निवासी एवम् पूर्वमाओवादी कार्यकर्ता देववहादुर घर्तीले गोली हानेर हत्या गरेका थिए । घर्तीलाई प्रहरीले तत्कालीन समयमा पक्राउ पनि गरेको थियो ।

Published : Sunday, 2024 September 22, 7:07 pm