काठमाडौं । परराष्ट्रमन्त्री एवम् नेपाली कांग्रेसकी नेतृ डा.आरजु राणा देउवा गौरा पर्व मनाउन धनगढी प्रस्थान गर्न लागेकी छिन् ।

परराष्ट्रमन्त्री डा.राणा अहिले केही समयपछि (बुधबार बिहान) धनगढीतर्फ प्रस्थान गर्न लागेको नेपाली कांग्रेस सुदूरपश्चिम प्रदेश सभाका सांसद समेत रहेका पूर्वमन्त्री प्रकाश देउवाले बताए । उनले भने, ‘परराष्ट्रमन्त्रीज्यू कैलालीको धनगढीमा रहेको निवासमा गौरा पर्व मनाउन आउन लाग्नुभएको छ । आफ्नै निवासमा आफन्त, शुभेच्छुक, पार्टीका नेता कार्यकर्ता लगायतसँग गौरा पर्व मनाउनु हुनेछ ।’

परराष्ट्रमन्त्री डा.राणा बुधबार बिहान त्रिभुवन अन्तर्राष्ट्रिय विमानस्थलबाट ०८ः४५ बजे बुद्ध एयरको जहाजबाट धनगढी प्रस्थान गर्ने कार्यक्रम छ ।

कैलालीमा बसाइँका क्रममा परराष्ट्रमन्त्री एवम् कांग्रेस नेतृ डा.राणाले पार्टीका नेता कार्यकर्ताहरूसँग भेटघाट गर्ने कार्यक्रम रहेको पूर्वमन्त्री देउवाले बताए । उनले भने, ‘आज र भोलि दुई दिन कैलालीमा बस्नु हुनेछ । परराष्ट्रमन्त्री डा.आरजु राणाज्यू बिहीबार काठमाडौं फर्किने कार्यक्रम छ ।’