विनियोजन विधेयक निर्णायार्थ प्रस्तुत हुनेभन्दै कांग्रेसद्वारा अनिवार्य उपस्थित हुन निर्देशन

काठमाडौं । नेपाली कांग्रेसले असार ९ गते बस्न लागेको प्रतिनिधिसभाको बैठकमा अनिवार्य रुपमा उपस्थित हुन निर्देशन दिएको छ ।

शुक्रबार नयाँ बानेश्वरस्थित संसद भवनको ल्होत्से हलमा बसेको संसदीय दलको बैठकले विनियोजन विधेयक निर्णयार्थ प्रस्तुत हुने बैठकमा अनिवार्य उपस्थित हुन निर्देशन दिएको हो ।

बैठकपछि जारी विज्ञप्तिमा भनिएको छ, ‘प्रतिनिधि सभाको आगामी बैठकमा आ.ब २०८१/८२ को विनियोजन विधेयक (बजेट) निर्णायार्थ प्रस्तुत हुने भएको हुँदा यही असार ९ गतेदेखि विनियोजन विधेयक (बजेट) निर्णायार्थ प्रस्तुत हुँदासम्मका सबै बैठकहरूमा अनिवार्य उपस्थित हुन र निर्देशन (व्हिप)अुनसार गर्न हुन सबै माननीय सदस्यहरूलाई यो बैठक निर्देश गर्दछ ।’

सभापति शेरबहादुर देउवाले प्रतिनिधिसभाको बैठकमा नियमित रुपमा उपस्थित भइ छलफलमा सहभागी हुन निर्देशन दिएका छन् ।

Published : Friday, 2024 June 21, 6:55 pm