घोराही । राष्ट्रियसभा निर्वाचनका लागि लुम्बिनी प्रदेशका मुख्यमन्त्री डिल्लीबहादुर चौधरी, स्वास्थ्यमन्त्री राजु खनाल, उद्योग तथा यातायात व्यवस्थामन्त्री रोज राणालगायतले मतदान गरेका छन् ।

बिहीबार बिहान घोराहीस्थित मतदान केन्द्रमा मुख्यमन्त्री चौधरीसहितका मतदाताले मतदान गरेका हुन् । नेपाली कांग्रेस लुम्बिनी प्रदेशसभाका प्रमुख सचेतक जन्मजय तिमिल्सिना, प्रदेसभा सदस्य प्रचण्डबिक्रम न्यौपाने, प्रदेशसभा सदस्य अनुराग खड्का, प्रदेशसभा लोकाकुमारी विश्वकर्मा लगायतले मतदान गरेका छन् ।

मतदानपछि पत्रकारहरुसँग संक्षित कुरा गर्दै उद्योग तथा यातायात व्यवस्थामन्त्री रोज राणाले गोप्य मतदानको अधिकार प्रयोग गरिएको बताए । उनले निर्वाचनमा जित र हार हुनेभन्दै जित्नेलाई आफूले अग्रिम बधाइ दिएको बताए ।

राष्ट्रिय सभाको निर्वाचनमा सत्ता गठबन्धनले आफ्ना उम्मेदवारहरु विजयी हुने दाबी गरेका छन् । सत्ता गठबन्धनको तर्फबाट नेपाली कांग्रेसबाट विष्णुकुमारी सापकोटा र नेकपा (माओवादी केन्द्र)बाट झग्गु सुवेदी उम्मेदवार बनेका छन् ।