जनकपुरधाम । सीके राउतका अराजक कार्यकर्ताले जनकपुरधाममा घरेलु हतियारसहित प्रदर्शन गरेका छन् ।

बुधबार बिहान सीके राउतका समर्थकले जनमत पार्टीको नाममा घरेलु हतियारसहित प्रदर्शन गरेका हुन् । उनीहरूले बाँसको कप्टेराहरू बोकेर प्रदर्शन गरेका थिए ।

घरेलु हतियारसहित प्रदर्शन गर्ने क्रममा राउतका समर्थक र सुरक्षाकर्मीबीच झडप भएको छ ।

मधेश प्रदेशको राष्ट्रिय सभा निर्वाचनको लागि मतदानस्थल तोकिएको महेन्द्र नारायण निधि स्मृति प्रतिष्ठान, जनकपुरधामभित्र कार्यकर्ता छिर्न खोज्दा झडप भएको हो ।

केही प्रदर्शनकारीले हेलमेट लगाएका थिए । झडप हुन सक्ने त्रासका कारण टाउकोमा चोट नलागोस् भनेर राउतका समर्थकले बाँसको कप्टेराहरू बोकेर प्रदर्शन गरेको प्रत्यक्षदर्शीले बताएका छन् ।

राउतले मधेश प्रदेशका केही जिल्लाहरूमा किसान आन्दोलनका नाममा उत्पात मच्चाउँदै आएका छन् । शान्तिपूर्ण प्रदर्शन गर्ने अधिकार सबैलाई छ ।

तर, घरेलु हतियार बोकेर जनतालाई आतंकित बनाउने गरेर प्रदर्शन गर्ने अधिकार कसैलाई पनि छैन ।