कोरोनाको खोप अबैध कारोबार गरे कारबाही गर्ने
काठमाडौं । सरकारले कोरोनाभाइरसविरुद्धको खोप अवैधरूपमा बेचबिखन गरेको पाइएमा कारबाही गर्ने चेतावनी दिएको छ ।
बुधबार स्वास्थ्य तथा जनसंख्या मन्त्रालयका सह–प्रवक्ता डा.समिरकुमार अधिकारीले सूचना जारी गरेर कोरोनाभाइरसविरुद्धको खोप अबैध रुपमा प्रयोग गरेको पाइएमा कारबाही गर्ने चेतावनी दिएका हुन् । सरकारले खोप निःशुल्क लगाइरहेको बताए ।
उनले भनेका छन्, ‘अवैधरूपमा खोप बेच्ने र किनेर लगाउने दुवैलाई प्रचलित कानूनबमोजिम कडा कारबाही हुनेछ ।’
‘कोरोनाविरुद्धको खोप बेचबिखन भएको थाहा पाउने जो कोहीले स्थानीय प्रशासन, प्रहरी कार्यालय, पालिका वा स्वास्थ्य कार्यालयमा जानकारी गराउन अनुरोध गरिएको छ’, उनले भनेका छन् ।
सरकारले खोप अभियान सञ्चालन गरी सबै नागरिकलाई खोप लगाइरहेको छ ।
अहिले १२ देखि १७ वर्ष उमेर समूहका विद्यार्थीलाई र १८ वर्षभन्दा माथि सबैलाई खोप लगाइरहेको छ ।
बिचार/ब्लग
बिर्सनु हुँदैन : सरकार परिवर्तन न्याय होइन
डा. मनीष आचार्य
फेसबुकबाट तपाईको प्रतिक्रिया