कांग्रेस सांसद चौधरीसहित चार सांसदलाई कोरोना पुष्टि
काठमाडौं । चार जना सांसदलाई कोरोनाभाइरसको संक्रमण पुष्टि भएको छ ।
प्रतिनिधि सभाका ४ जना सांसदलाई कोरोनाभाइरसको संक्रमण देखिएको हो ।
प्रतिनिधि सभाको बैठक वैशाख २७ गते बस्दै छ । बैठक बस्नु अगाडि सांसदहरूको बुधबार पीसीआर परीक्षण गरिएको थियो ।
१ सय २८ जना सांसदको स्वाब संकलन गरिएको थियो ।
संक्रमण देखिएका सांसदमा जनता समाजवादी पार्टी नेपाल (जसपा)का लक्ष्मणलाल कर्ण, नरमाया ढकाल र रामबाबु यादव तथा नेपाली कांग्रेसकी पार्वती डिसी चौधरी रहेको संसद सचिवालय स्वास्थ्य शाखाका हेल्थ असिस्टेन्ट कृष्णकुमार खत्रीले जानकारी दिएका छन् ।
सबैको रिपोर्ट आउन बाँकी रहेको संसद् सचिवालयले जनाएको छ ।
योसँगै प्रतिनिधिसभाका कूल ११ सांसदलाई कोरोनाभाइरसको संक्रमण पुष्टि भइसकेको छ ।
सरकारका तीन मन्त्रीलाई पनि कोरोनाभाइरसको संक्रमण पुष्टि भएको छ ।
फेसबुकबाट तपाईको प्रतिक्रिया