‘कम्युनिस्टहरू मिले पनि कांग्रेस कमजोर छैन’
सर्लाही । प्रमुख विपक्षी दल नेपाली कांग्रेसका महामन्त्री डा.शशांक कोइरालाले गुटउपगुटले पार्टी कमजोर भएको बताएका छन् ।
सर्लाहीमा बुधबार आयोजित पत्रकार सम्मेलनमा डा.कोइरालाले गुटका कारण कांग्रेस कमजोर जस्तो देखिए पनि गुटवन्दी अन्त्य गरिए एक्लै चुनाव लडे पनि दुई तिहाई आउने बताए ।
‘गुटवन्दीका कारण पार्टीको अवस्था दयनीय बनेको छ’, उनले भने, ‘नेताहरूलाई गुटबन्दी अन्त्य गरेर संगठन विस्तारमा लाग्नु पर्छ ।’
महामन्त्री डा.कोइरालाले भने, ‘कांग्रेसभित्रको गुटउपगुटले लज्जास्पद् हार व्यहोर्नु परेको छ ।’ कांग्रेसले पाएको समानुपातिक भोटको अवस्थाले कांग्रेसभित्र चरम गुटबन्दी रहेको तथ्य प्रमाणित भएको महामन्त्री डा.कोइरालाले बताए ।
‘समानुपातिक भोटमा कांग्रेस बलियो अवस्थामा छ’, डा.कोइरालाले भने, ‘प्रत्यक्ष निर्वाचनको हार भनेको कम्युनिस्ट शक्तिहरू एक भएका कारणले भन्दा पनि हामीभित्रकै गुटउपगुट प्रमुख कारण हार भएको थियो ।’
यसमा तपाइको मत