सभापति खतिवडाद्वारा उप–प्रधानमन्त्री खड्कालाई अस्पतालमा भेट

काठमाडौं । राज्य व्यवस्था तथा सुशासन समितिका सभापति रामहरि खतिवडाले नेपाली कांग्रेसका उप–सभापति समेत रहेका उप–प्रधान एवम् रक्षामन्त्री पूर्णबहादुर खड्काको स्वास्थ्य अवस्थाका बारेमा जानकारी लिएका छन् ।

बिहीबार छाउनीस्थित नेपाली सेनाको वीरेन्द्र अस्पतालमा उपचार गराइरहेका उप–प्रधानमन्त्री खड्कासँग भेट गरेर सभापति खतिवडाले स्वास्थ्य अवस्थाका बारेमा चिकित्सकहरूसँग जानकारी लिएका हुन् । सभापति खतिवडाले उप–प्रधान तथा रक्षामन्त्री खड्कालाई शीघ्रस्वास्थ्य लाभको कामना गरेका छन् ।

उप–प्रधानमन्त्री खड्काको बुधबार प्रोटेस्ट (बीपीएच)को सफल शल्यक्रिया भएको थियो । स्वास्थ्य उपचार गराइरहेका खड्कालाई बिहीबार भेटेर प्रधानमन्त्री पुष्पकमल दाहाल ‘प्रचण्ड’ले भेट गरेर स्वास्थ्य अवस्थाका बारेमा जानकारी लिएका छन् ।

Published : Thursday, 2023 August 31, 7:46 pm