काठमाडौं । सिन्धुपाल्चोकको मेलम्ची खोलामा दुई वर्ष अगाडि बाढीपहिरोले भत्काएको पुलको ठाउँमा बेलिब्रिज निर्माण भएको छ ।

बेलिब्रिज निर्माणको काम अन्तिम चरणमा पुगेको छ । नेपाली सेनाले बेलिब्रिज निर्माणको काम अन्तिम चरणमा पुर्‍याएको छ ।

शनिबार मेलम्ची नदीमा बेलिब्रिजको निर्माणको काम भइरहेका विषयमा स्वास्थ्य तथा जनसंख्यामन्त्री मोहनबहादुर बस्नेतले अनुगमन गरेका छन् ।

नेपाली कांग्रेसका केन्द्रीय सदस्य समेत रहेका बस्नेतले अबको दुई हप्ताभित्र बेलिब्रिज निर्माण सम्पन्न भएर आवत जावत हुने जानकारी नेपाली सेनाका प्राविधिकहरूले गराएको बताएका छन् । बेलिब्रिजबाट सवारी आवागमन सहज हुनेवित्तिकै सर्वसाधारण लाभान्वित हुनेछन् ।

बेलिब्रिज निर्माणका लागि बस्नेतले ठूलो पहल गरेका थिए । बेलिब्रिज पनि बनाउन नदिन एमालेका नेता तथा पूर्वमन्त्री शेरबहादुर तामाङले ठूलो खेलोफड्को गरेका थिए । कम्युनिस्टहरूको अबरोध छिचोलेर कांग्रेस नेता तथा मन्त्री बस्नेतले बेलिब्रिज बनाइ छाडेका छन् ।

मेलम्ची, हेलम्बु, पाँचपोखरी र चौताराका विभिन्न भू–भाग जोड्ने मेलम्ची नदीको बेलिब्रिजको निर्माण कार्यका लागि बस्नेतले विशेष पहल लिँदै आएका थिए ।