हेटौँडामा कांग्रेसका गगन–रामहरिसहितका नेताहरू ओर्लिन थाले, चहल–पहल बढ्यो

काठमाडौं । नेपाली कांग्रेस निकटका पत्रकारहरूको संस्था नेपाल प्रेस युनियनको ९औं महाधिवेशन शुक्रबार हेटौँडामा शुरु हुन लागेको छ ।

युनियनको महाधिवेशनको उद्घाटन कांग्रेसका सभापति समेत रहेका प्रधानमन्त्री शेरबहादुर देउवाले शुक्रबार गर्ने कार्यक्रम रहेको छ ।

कांग्रेसका महामन्त्री गगनकुमार थापा, केन्द्रीय सदस्य रामहरि खतिवडासहितका युवा नेताहरू बिहीबार हेटौँडा पुग्दैछन् । उनीहरू बाराको सिमरा विमानस्थलमा ओर्लिएर हेटौँडा जानेछन् ।

युनियनको महाधिवेशन शुक्रबार र शनिबार दुई दिन चल्नेछ । संस्थापनबाट युनियनको अध्यक्षमा अनिता विन्दु र अर्को समूहबाट अध्यक्षमा शिव लम्साल उम्मेदवार बन्ने पक्का जस्तै छ । संयोग नै मान्नुपर्छ अध्यक्षमा चर्चामा रहेका अनिता र शिव स्याङजा जिल्ला निवासी हुन् ।

Published : Thursday, 2022 July 21, 12:49 pm