बाहैबिसे । नेपाली कांग्रेसका केन्द्रीय सदस्य एवम् पूर्वमन्त्री मोहनबहादुर बस्नेतले नवनिर्वाचित जनप्रतिनिधिहरूलाई सम्मान गर्नुका साथै कार्यकालको शुभकामना दिएका छन् ।

आइतबार सिन्धुपाल्चोक कांग्रेसले चौतारामा आयोजना गरेको कार्यक्रममा नेता बस्नेतले सिन्धुपाल्चोकका पालिकाहरूमा कांग्रेसबाट निर्वाचित जनप्रतिनिधिहरूलाई सम्मान गरेका हुन् ।

नेता बस्नेतले जनप्रतिनिधिहरूलाई जनताको सेवा गरेर काम गर्न निर्देशन दिए ।

कार्यक्रममा नेता बस्नेतका साथै पूर्व केन्द्रीय सदस्य विष्णुविक्रम थापा, जिल्ला सभापति जंगबहादुर लामा, कांग्रेस बागमतीका सह–महामन्त्री हरिशरण श्रेष्ठसहितका नेता कार्यकर्ताहरूको उपस्थिति रहेको थियो ।

सिन्धुपाल्चोक जिल्लामा कांग्रेसले स्थानीय तहमा ५ वटा गाउँपालिका, तीन वटा गाउँपालिकाको उपाध्यक्ष र ५२ वडामा जितेको छ ।

कांग्रेसले सिन्धुपाल्चोकमा एमाले र माओवादीलाई झण्डै शून्यको अवस्थामा पुर्‍याइदिएको छ । कांग्रेसले जिल्ला समन्वय समितिमा माओवादी केन्द्र र एमालेलाई छिर्न समेत दिएको छैन ।