काठमाडौं । नेपाल प्रहरीको महानिरीक्षक (आईजीपी) बढुवामा आफूभन्दा कनिष्ठलाई आइजीपी बनाएको भन्दै एआइजी विश्वराज पोखरेलले सर्वोच्च अदालतमा रिट दायर गरेका छन् ।

सरकारले आइतबार एआइजी धिरजप्रताप सिंहलाई आइजीपी नियुक्त गरेपछि पोखरेलले सोमबार सर्वोच्चमा रिट दायर गरेका हुन् । पोखरेलले आफ्ना कानून व्यवसायीमार्फत रिट दिएको बुझिएको छ ।

सिंहलाई आइजिपी नियुक्त गर्ने निर्णय बदर माग गर्दै उनले सर्वोच्चमा रिट निवेदन दिएका छन् ।

मन्त्रिपरिषदले वरीयता क्रममा तेस्रो नम्बरमा रहेका एआइजी सिंहलाई आइजीपी बनाउने निर्णय गरेको थियो ।

पोखरेल २०७७ मंसिर २५ गते एआइजीमा बढुवा भएका थिए । सिंह भने २०७८ चैत ७ गते एआइजी भएका थिए ।

सरकारले वरीयताक्रम अनुसार पहिलो नम्बरमा रहेका पोखरेल र दोस्रो नम्बरमा रहेका सहकुलबहादुर थापालाई साइड लगाएर तेस्रो नम्बरमा रहेका सिंहलाई आइजीपी बनाएको थियो ।

एआइजी सहकुल थापा पनि अदालत जाने कि नजाने भनेर कानूनी परामर्शमा छन् ।