तानसेन । नेपाली कांग्रेसको नेतृत्वमा रहेको ५ दलीय गठबन्धनमा आबद्ध दलहरूले पाल्पा जिल्लामा मनोनयन दर्ता गराएका छन् ।

सोमबार निर्वाचन कार्यालयमा पुगेर मनोनयन दर्ता गराएको पाल्पा कांग्रेसले जनाएको छ ।

पाल्पामा १० वटा स्थानीय तह छन् । कांग्रेसले ६, माओवादी केन्द्रले २ र नेकपा (एकीकृत समाजवादी) २ वटा पालिका भागबण्डा गरेका छन् ।

माथागढी गाउँपालिकामा कांग्रेसका सन्तोषकुमार थापाले अध्यक्ष र उपाध्यक्षमा विजया भट्टराईले मनोनयन दर्ता गराएका छन् ।

वडा नं १ को वडाध्यक्षमा महेन्द्र जिसी, २ मा जनक रिजेल, ३ मा दीपक थापा, ४ मा मधु पराजुली, ५ मा गणेशजङ गाहा, ६ मा युवबहादुर ठाडा, ७ मा जगबहादुर दर्लामी र ८ मा दिलबहादुर ढेगाले मनोनयन दर्ता गराएका छन् ।

रैनादेवी छहरा गाउँपालिकामा कांग्रेसको तर्फबाट अध्यक्षमा रुक्मागत भट्टराईले मनोनयन दर्ता गराएका छन् ।

वडा नं. १ को वडाध्यक्षमा सोमबहादुर दर्लामी, २ मा दानबहादुर पौडेल, ३ मा प्रदीप पौडेल, ४ मा लक्ष्मण रायमाझी, ५ मा हुमानसिंह कार्की ६ मा डोमबहादुर घर्ती, ७ मा देवेन्द्र पुन र ८ मा थमनबहादुर रानाले मनोनयन दर्ता गराएका छन् ।

रम्भा गाउँपालिकामा कांग्रेसको तर्फबाट उपाध्यक्षमा विष्णु थापाले उम्मेदवारी दर्ता गरेका छन् । वडा नं. १ को वडाध्यक्षमा ईश्वर काफ्ले, २ मा रमेश पछाई, ३ मा थम्मनबहादुर गाहा, ४ मा चेतनारायणश्रेष्ठ र ५ मा विष्णुबहादुर काम्मु थापाले मनोनयन दर्ता गरेका छन् ।

तानसेन नगरपालिकामा कांग्रेसबाट मेयरमा सन्तोषलाल श्रेष्ठले मनोनयन दर्ता गराएका छन् ।

रामपुर नगरपालिकामा कांग्रेसका रमणबहादुर थापाले मेयरमा मनोनयन दर्ता गराएका छन् । उप–मेयरमा बालकुमारी थापाले उम्मेदवारी दिएकी छिन् ।

रिब्दीकोट गाउँपालिकामा कांग्रेसका कान्ता अधिकारीले उपाध्यक्षमा उम्मेदवारी दर्ता गराएकी छिन् ।

तिनाउ गाउँपालिकामा कांग्रेसका उम्मेदवार लालबहादुर थापाले उपाध्यक्षमा उम्मेदवारी दिएका छन् ।

पूर्वखोला गाउँपालिकाको उपाध्यक्षमा कांग्रेसकी विष्णुकुमारी आचार्यले उम्मेदवारी दिएकी छिन् ।

निस्दी गाउँपालिकामा कांग्रेसका उम्मेदवार गोविन्दप्रसाद अर्यालले अध्यक्षमा उम्मेदवारी दिएका छन् ।

बगनासकाली गाउँपालिमा कांग्रेसका तर्फबाट सुनिता अधिकारीले उम्मेदवारी दर्ता गराएकी छिन् ।