गृहमन्त्री खाणद्वारा नेपाल–अस्ट्रियाबीच सिधा उडाउन गर्न आग्रह
काठमाडौं । गृहमन्त्री बालकृष्ण खाणसँग नेपालका लागि अस्ट्रियाका राजदूत क्यानरिना वजिरले शिष्टाचार भेटघाट गरेकी छिन् ।
गृह मन्त्रालयमा मंगलबार भएको भेटमा दुई देशबीचको आपशी सम्बन्ध प्रगाढ बनाउनेबारे कुराकानी गरेका हुन् ।
काठमाडौंबाट अस्ट्रियाको राजधानी भियनामा सिधा उडान गर्नेबारे कुराकानी भएको थियो ।
गृहमन्त्री खाणले काठमाडौं–भियना उडान भएमा दुबै मुलुकलाई फाइदा हुने बताए ।
राजदूत वजिरले उडानबारे सरकारसँग पहल गर्ने बताइन् ।
नेपाल र अस्ट्रियाबीच सन् १९५९ अगस्त १५ मा कूटनीतिक सम्बन्ध स्थापना भएको थियो ।
अस्ट्रियाले विशेषगरी सम्पदा क्षेत्रको संरक्षणमा नेपालमा सहयोग गर्दै आएको छ ।
अस्ट्रियाले पाटन संग्रालयको पुनःस्थापना, केशर महल गार्डेन अर्फ ड्रिम्सको संरक्षण, नाम्चे जलविद्युत् र रोल्वालिङ पर्यावरणीय पर्यटनको प्रवर्द्धनलगायतमा सहयोग गरेको छ ।
Published : Tuesday, 2022 April 12, 4:08 pm
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया