अष्ट्रेलियामा बसेकी युवतीको अश्लील फोटो फेसबुकमा हाल्ने श्रेष्ठ बुटवलमा पक्राउ

काठमाडौं । विदेशमा अध्ययनरत नेपाली युवतीको सामाजिक सञ्जालमार्फत चरित्र हत्या गर्ने २५ वर्षीय राजन श्रेष्ठ ‘एलिस’ पक्राउ परेका छन् ।

रुपन्देहीको बुटवल उप–महानगरपालिका–११ देवीनगर बस्ने श्रेष्ठलाई मंगलबार प्रहरीले पक्राउ गरेको विज्ञप्तिमा उल्लेख छ ।

श्रेष्ठले अध्ययनको शिलशिलामा अष्ट्रेलियामा रहेकी नेपाली युवतीको सामाजिक सञ्चाल फेसबुकमा फेक प्रोफाइल बनाई अश्लीत तस्वीर र भिडियो पोष्ट गरी अश्लील स्टाटस लेखेर पीडितका आफन्त लगायत साथीहरूलाई सेयर गरी चरित्र हत्या गर्ने कार्य गरेका थिए ।

प्रहरी प्रधान कार्यालय साइबर ब्यूरो भोटाहिटीबाट खटिएको प्रहरीले श्रेष्ठलाई पक्राउ गरेको हो ।

उनी उपर जिल्ला अदालत काठमाडौंबाट ७ दिन म्याद थप अनुमति प्राप्त गरी थप अनुसन्धान भइरहेको ब्यूरोले जनाएको छ ।

Published : Wednesday, 2022 February 16, 6:20 pm