दाङ कांग्रेसका नेता गोपाल नेपालीका पिताको निधन

काठमाडौं । नेपाली कांग्रेस दाङका क्रियाशील सदस्य एवम् पूर्वशिक्षक गोपाल नेपालीका पिताको निधन भएको छ ।

घोराही उप–महानगरपालिका वडा नं. ५ धर्ना निवासी कांग्रेसका नेता नेपालीका पिता केदार नेपालीको ९१ वर्षको उमेर शनिबार बिहान करीव १ बजे निधन भएको हो ।

नेपालीको शनिबार बिहान हिन्दू परम्परानुसार बबई नदीमा अन्त्यष्टि गरिएको परिवारजनले जनाएका छन् ।

स्व.नेपालीका तीन छोरा र पाँच छोरीहरू हुन् । छोराहरू लीलाधर नेपाली, गोपाल नेपाली र स्व.कृष्ण नेपाली तथा छोरीहरू हरिकला नेपाली, सावित्री नेपाली, पम्फा नेपाली, कमला नेपाली र निर्मला नेपालीहरू रहेका छन् ।

चार जना दाजुभाई र तीन जना बहिनीहरूमध्ये स्व.नेपाली सबैभन्दा जेठा हुन् । उनका अन्य तीन भाईहरू तिलके नेपाली, कले नेपाली, लोकबहादुर नेपाली, कुमारी नेपाली, डल्ली नेपाली र खिमादेवा नेपालीको निधन भइसकेको छ ।

Published : Saturday, 2022 February 12, 7:10 pm