काठमाडौं । कामचलाउ कम्युनिस्ट सरकारका उप–प्रधान एवम् परराष्ट्रमन्त्री रघुवीर महासेठले नेपालका लागि भारतीय राजदूत विनयमोहन क्वात्रासँग भेटवार्ता गरेका छन् ।

बुधबार सिंहदरबारस्थित परराष्ट्र मन्त्रालयमा महासेठ र क्वात्राबीच भेटवार्ता भएको हो । भेटमा नेपाल–भारतबीचको सम्बन्धका विषयमा कुराकानी भएको बताइएको छ ।

एक वर्ष अगाडि भौतिक मन्त्रालयको जिम्मेवारी राम्रोसँग सम्हाल्न नसकेको भनेर प्रधानमन्त्री खड्गप्रसाद ओलीले महासेठलाई मन्त्रीबाट हटाएका थिए ।

ओलीले अहिले आएर महासेठलाई उप–प्रधान र परराष्ट्र मन्त्रालयको जिम्मेवारी दिएका छन् । आफैले मन्त्रीबाट हटाएका महासेठलाई अहिले आएर ओलीले कसरी सक्षम देखेर मन्त्रीमा बढुवा गरेर जिम्मेवारी दिएका हुन् चर्चाको विषय बनेको छ ।

यसअघि, महासेठकी पत्नी जुली महतो महिला बालबालिका मन्त्री बनेकी थिइन् । पतिको मन्त्री फुत्किनेवित्तिकै जुली मन्त्री बनिन् । जुलीको मन्त्री फुत्किनेवित्तिकै महासेठ मन्त्री बनेका छन् ।