त्रिभुवन विमानस्थलबाट भन्सार अधिकृतसहित ३ जना पक्राउ
काठमाडौं । अख्तियार दुरूपयोग अनुसन्धान आयोगले २ लाख ६८ हजार २८८ रूपियाँ घुस लिएको आरोपमा भन्सार अधिकृत सहित ३ जनालाई नियन्त्रणमा लिएको छ ।
आइतबार त्रिभुवन विमानस्थल भन्सार कार्यालयको वैदेशिक हुलाक भन्सार शाखा अधिकृत इन्द्र न्यौपाने, कार्यालय सहयोगी गणेशप्रसाद पुडासैनी र निकिसी शाखाका नायब सुब्बा छविप्रसाद रिजाललाई अख्तियारले नियन्त्रणमा लिएको हो । उनलाई अख्तियारको टोलीले आइतबार साँझ नियन्त्रणमा लिएको अख्तियारका प्रवक्ता सुरेश न्यौपानेले जानकारी दिएका छन् ।
सहयोगी गणेशप्रसाद र नायब सुब्बा छविप्रसादको साथबाट स्रोत नखुलेको रकम बरामद भएको छ । उनीहरूको साथबाट २३ थान मोबाइल पनि नियन्त्रणमा लिइएको छ ।
Published : Monday, 2026 February 2, 10:35 pm
फेसबुकबाट तपाईको प्रतिक्रिया