काठमाडौं । प्रधानमन्त्री केपी ओलीले प्रतिनिधि सभाको बैठकमा सम्बोधन गरिरहेका बेला राष्ट्रिय प्रजातन्त्र पार्टी (राप्रपा)का सांसदहरूले उभिएर अबरोधको प्रयास गरेका छन् ।

सोमबार बसेको संसदको बैठकमा सभामुखले समय दिएपछि प्रधानमन्त्री ओलीले सम्बोधन शुरु गरेका थिए । ओलीले तीनकुने हिंसा र त्यो हिंसाका नाइकेहरू लगायतका घटनाका विषयमा जानकारी गराइरहेका थिए । त्यही क्रममा राप्रपाका प्रमुख सचेतक ज्ञानबहादुर शाहीले उभिएर अबरोधको प्रयास गरेका थिए ।

राप्रपाका सांसदहरूले उभिएर प्रधानमन्त्री ओलीलाई सम्बोधनमा अबरो गर्न खोजेपछि नेपाली कांग्रेस र एमालेका सांसदहरू पनि आ–आफ्नो सिटमा उभिएर विरोध प्रतिवाद गरेका थिए ।

राप्रपाका प्रमुख सचेतक शाहीले प्रधानमन्त्री ओलीले राप्रपाले पूर्व राजा ज्ञानेन्द्र शाहका विषयमा अभिव्यक्ति दिएको भनेर आपत्ति जनाएका थिए । प्रधानमन्त्री ओलीले पनि जंगिएर राप्रपाका सांसदहरूको हर्कतप्रति आक्रोश पोखेका थिए ।