काठमाडौं । भृकुटीमण्डपको कथित विशेष महाधिवेशनबाट नेपाली कांग्रेस हाइज्याक गरेर आफूलाई सर्वसम्मत सभापति घोषणा गरेर कानूनी मान्यता पाएका गगनकुमार थापाले आत्मदाह गरेका गणेश नेपालीको परिवारलाई एक लाख रुपियाँ आर्थिक सहयोग गरेका छन् ।

थापाले शुक्रबार नेपालीको परिवारलाई एक लाख रुपियाँ सहयोग गरेका हुन् । नेपालीको वीर अस्पतालमा उपचारका क्रममा मृत्यु भएको थियो । तत्कालै नेपालीको परिवारलाई सरकारसहित विभिन्न पक्षबाट आर्थिक सहयोग भएको थियो । नेपालीको परिवारलाई तत्काल सहयोग गर्ने विषयमा थापाले कुनै चासो दिएनन् । अहिले आएर बल्ल थापाले नेपालीको परिवारलाई १ लाख रुपियाँ दिएका छन् ।

थापाले आर्थिक सहयोग गर्नु नै थियो भने नेपालीको परिवारलाई अलिक धेरै आर्थिक सहयोग गरेको भए त्यसले विशेष अर्थ राख्ने थियो ।

मुगुको सोरु गाउँपालिका–१ का २५ वर्षीय नेपालीको आत्मदाह प्रयासपछि उपचारका क्रममा गत असारमा वीर अस्पतालमा मृत्यु भएको थियो ।