काठमाडौं । प्रधानमन्त्री बालेन्द्र शाह (बालेन) निकट मानिने ‘रुटिन अफ नेपाल बन्द’का सञ्चालक भिक्टर पौडेलले गणेश नेपालीको आत्मदाह प्रकरणमा कठोर टिप्पणी गरेका छन् ।

भिक्टरले सामाजिक सञ्जालमा लेखेका छन्, ‘के जरिवाना मानवीय जीवनभन्दा महँगो हुन्छ ?’ प्रधानमन्त्री शाह निकट मानिने भिक्टरको कठोर टिप्पणीले झण्डै दुईतिहाइको राष्ट्रिय स्वतन्त्र पार्टी (रास्वपा)को सरकार र प्रधानमन्त्री शाहमाथि विभिन्न खालका प्रश्न उब्जाइदिएको छ ।

गणेशको आत्मदाह प्रकरणले सरकारको आलोचना भइरहेको छ । काठमाडौं उपत्यकामा पार्किङ र जरिवानाको विषयले चुनौती थपिदिएको छ ।

बिहीबार काठमाडौंको त्रिपुरेश्वरमा गणेशले आत्मदाहको प्रयास गरेका थिए । गम्भीर अवस्थामा गणेशको उपचार वीर अपस्तालमा भइरहेको छ । काठमाडौं महानगरपालिकाको नगर प्रहरीले मोटरसाइकलमा ह्वील लक गरिदिएपछि तनाबमा परेका गणेशले आफ्नै मोटरसाइबलबाट पेट्रोल निकालेर शरीरमा खन्याएर आत्मदाहको प्रयास गरेका थिए । आत्मदाहको प्रयासपछि गम्भीर अवस्थामा रहेका गणेशलाई त्रिपुरेश्वरबाट बाटोमा हिँडाएर वीर अस्पताल पु¥याइएको घटनाको भिडियो झन् दर्दनाक छ ।