इरानबाट भारतले थप तीन नेपाली नागरिकहरू ल्याइदियो

काठमाडौं । परराष्ट्रमन्त्री डा.आरजु राणाको आग्रहमा भारतले इरानबाट थप तीनजना नेपाली नागरिकको उद्धार गरिदिएको छ ।

बिहीबार नयाँ दिल्लीमा भारतीय नागरिकहरूसँगै ३ नेपालीहरू पनि अवरतण भएका छन् । इरानबाट २७२ भारतीय नागरिक नयाँ दिल्ली आएका छन् ।

भारतीय विदेश मन्त्रालयका प्रवक्ता रणधीर जयसवालले सामाजिक सञ्जाल एक्समा विशेष उडानमार्फत भारतीय समयअनुसार मध्यरात १२ः०१ मा दिल्लीमा अवतरण गरेको उल्लेख गरेका छन् ।

यसअघि ६ जना नेपाली नागरिक भारतको सहयोगमा इरानबाट उद्धार गरिएको थियो । इजरायल–अमेरिका र इरानबीचको युद्ध चर्किरहँदा नेपाली नागरिकको उद्धारको कुरा उठेको थियो ।

परराष्ट्रमन्त्री डा.राणा देउवाले इरानमा रहेका नेपालीको उद्धारका लागि भारतको सहयोग मागेकी थिइन् । डा.राणाको आग्रहमा भारतले नेपाली नागरिकको उद्धार गरिरहेको छ ।

Published : Thursday, 2025 June 26, 3:57 pm