काठमाडौं । मुलुकको पछिल्लो राजनीतिक अवस्थाका विषयमा छलफल गर्न नेपाली कांग्रेसको केन्द्रीय कार्यसमितिको बैठक बस्न लागेको छ ।

सभापति शेरबहादुर देउवाले साउन २३ गते कार्यसमितिको बैठक बोलाएका छन् । बैठकमा कांग्रेसमा सरकारमा सहभागी भएको तथा गोदावरीमा सम्पन्न महासमिति बैठकले पारित गरेको प्रतिवेदनहरुका विषयमा छलफल हुनेछ ।

कांग्रेसले गोदावरी महासमिति बैठकको प्रतिवेदनहरुलाई अन्तिम रुप दिनेछ । प्रतिवेदनमा आएका सुझावहरुलाई पनि समेट्ने तयारी छ ।

सरकारमा एमालेसँग मिलेर गएको तथा सरकारका कामकारबाही लगायतका विषयमा पनि छलफल हुनेछ ।

केन्द्रीय सदस्य रामहरि खतिवडाले भने, ‘कांग्रेस र एमाले सरकारमा छन् । सरकारले राम्रो काम गर्न लागेको छ । सरकारलाई सफल बनाउने विषयमा छलफल हुनेछ ।’

खतिवडाले भने, ‘गोदावरीमा सम्पन्न महासमितिको बैठकले पास गरेका प्रतिवेदनमा आएका सुझावहरुलाई समेट्ने विषयमा पनि छलफल हुन सक्नेछ ।’