कांग्रेसले सोमबार पत्रकार सम्मेलन गर्ने, ३ दिन विशेष कार्यक्रम

काठमाडौं । वीपी जयन्तीका विषयमा जानकारी गराउन नेपाली कांग्रेसले सोमबार पत्रकार सम्मेलन गर्ने भएको छ ।

कांग्रेसले जननायक विश्वेश्वरप्रसाद कोइरालाको जन्मदिन भदौ २४ गतेलाई वीपी जन्म जयन्तीका रुपमा मनाउन विषयमा जानकारी गराउन पत्रकार सम्मेलन गर्न लागेको हो ।

‘यो वर्ष जननायक वीपी कोइरालाको ११०औं जन्म जयन्तीलाई नेपाली कांग्रेसले भदौ २४, २५ र २६ गते वीपी साहित्य महोत्सवका रुपमा मनाउने भएको छ’, कांग्रेसले भनेको छ ।

‘सो सम्बन्धमा जानकारी दिनका लागि नेपाली कांग्रेसले भोलि २०८० भदौ ११ गते तपसीलको समय र स्थानमा पत्रकार सम्मेलनको आयोजना गरेको हुँदा उक्त कार्यक्रमको समाचार संकलन, प्रकाशन एवं प्रसारणार्थ उपस्थितिका लागि हार्दिक निमन्त्रणा गरिन्छ’, पत्रमा उल्लेख छ ।

कांग्रेसले सानेपामा सोमबार दिउँसो १ बजे पत्रकार सम्मेलन गर्न लागेको जनाएको छ ।

Published : Sunday, 2023 August 27, 11:19 pm