आईजीपी कुँवर स्वदेश फिर्ता

काठमाडौं । नेपाल प्रहरीका प्रहरी महानिरीक्षक (आईजीपी) बसन्तबहादुर कुँवर स्वदेश फिर्ता भएका छन् ।

आइतबार आईजीपी कुँवर स्वदेश फिर्ता भएका हुन् । उनी इन्टरपोल महासचिवालयको आयोजनामा सिंगापुरमा भएको ‘१८औं हेड अफ एनसिबी कन्फ्रेन्स’मा सहभागी भएका थिए ।

कुँवरलाई त्रिभुवन अन्तर्राष्ट्रिय विमानस्थल गौचरमा प्रहरीका उच्च अधिकारीहरूले स्वागत गरेको विज्ञप्तिमा उल्लेख छ ।

विमानस्थलमा कुरा गर्दै आईजीपी कुँवरले कन्फ्रेन्समा इन्टरपोलका १९५ सदस्य राष्ट्रमध्ये १३३ राष्ट्रका एनसिबी प्रमुखहरूबीच ईन्टरपोलका सदस्य राष्ट्रहरूको नेटवर्कलाई बलियो र प्रभावकारी बनाउने विषयमा छलफल भएको बताएका छन् ।

अन्तरदेशीय अपराध नियन्त्रणका लागि आपसी समन्वय र सहकार्य गर्ने र आतकंवाद जस्ता अपराधहरूको नियन्त्रण लगायतका विषयहरुमा बृहत छलफल भई विभिन्न प्रस्ताव पारित भएको उनले बताएका छन् ।

Published : Sunday, 2023 June 11, 9:23 pm