ललितपुर सहकारीमा कांग्रेसका अध्यक्ष हराउन बागी बने पौडेल, गोरखालीलाई बालुवाटारको आशीर्वाद
ललितपुर । ललितपुर जिल्ला सहकारी संघको अधिवेशनमा नेपाली कांग्रेसको तर्फबाट राजेन्द्र पौडेलले अध्यक्ष पदमा बागी उम्मेदवारी दिएका छन् ।
शनिबार भएको निर्वाचन प्रक्रियामा पौडेलले अध्यक्षमा बागी बनेर उम्मेदवारी दिएका हुन् । पौडेललाई कांग्रेसका केन्द्रीय सदस्य मदनबहादुर अमात्यको समर्थन छ । अमात्यले नै पौडेललाई बागी बनाएर उठाएका हुन् ।
ललितपुर जिल्ला सहकारीको अधिवेशन आइतबार हुँदैछ ।
नेपाली कांग्रेसको नेतृत्वमा ललितपुर जिल्ला सहकारी संघमा मिलेर प्रतिस्पर्धा गर्ने सहमति भएको छ ।
कांग्रेसको नेतृत्वमा एमाले, माओवादीसहित सबै दलहरूले समर्थन जनाएका छन् ।
कांग्रेसको तर्फबाट अध्यक्ष पदमा आधिकारिक उम्मेदवार बनेका केदार गोरखालीले उम्मेदवारी दर्ता गराएका छन् ।
गोरखालीलाई नेपाली कांग्रेसका केन्द्रीयहरू सदस्य उदयशम्शेर राणा, जितजंग बस्नेत, जिल्ला सभापति जितेन्द्र श्रेष्ठको समर्थन छ ।
ललितपुर कांग्रेसको जिल्ला कार्यसमितिले गोरखालीलाई अध्यक्षको आधिकारिक बनाएको छ । गोरखालीलाई प्रधानमन्त्री एवम् सभापति शेरबहादुर देउवाको आशीर्वाद छ । देउवाले गोरखालीलाई अग्रिम शुभकामना दिएका छन् ।
फेसबुकबाट तपाईको प्रतिक्रिया