संखुवासभा । प्रहरीले संखुवासभाको उत्तरी क्षेत्रमा संकास्पद गतिविधि गर्ने एक जना चिनियाँ नागरिकलाई पक्राउ गरेको छ ।

नेपाल र चीनको सीमावर्ती नाका किमाथाङ्काको निषेधित क्षेत्रमा हिँडिरहेको अवस्थामा भोटखोला गाउँपालिका–१ किमाथाङ्कामा प्रहरीको गस्ती टोलीले छोङ जेनजियन नाम गरेका २८ वर्षीय पुरुषलाई शुत्ररवार पक्राउ गरिएको हो ।

जिल्ला प्रहरी कार्यालय संखुवासभाका सूचना अधिकारी जीवनकुमार गौतमले चिनियाँ नागरिक छोङ जेनजियनलाई संकास्पद अवस्थामा पक्राउ गरेको जानकारी दिएका छन् ।

चिनियाँ नागरिकको साथमा राहदानी भेटिएको छ । उनीमाथि थप अनुसन्धान गर्न अध्यागमन विभाग काठमाडौं पठाइएको प्रहरीले जनाएको छ ।

नेपालमा चिनियाँ नागरिकहरूले शंकास्पद गतिविधि गर्दै आएका छन् । उनीहरूको अराजक हर्कतबाट सुरक्षा निकाय आजित बनेका छन् ।

नेपालमा चिनियाँ नागरिकहरू अबैध रुपमा बसेर सानाभन्दा साना काम गर्नेदेखि नेपालीहरूलाई गालीगलौज समेत गर्ने गरेका छन् ।

दुई वर्ष अगाडि सिंहदरबारको पश्चिमगेट अगाडि चिनियाँ नागरिकहरूले सुरक्षाकर्मीलाई कुटपिट समेत गरेका थिए ।