हेटौँडामा तस्करीका २० वटा गोरुसहित ट्रक पक्राउ

हेटौँडा । तस्करी गरेर झापातर्फ लैजाँदै गरिएको २० वटा गोरुसहित तस्करलाई मकवानपुर प्रहरीले पक्राउ गरेको छ ।

ईलाका प्रहरी कार्यालय पशुपतिनगर, मकवानपुरबाट खटिएको प्रहरी टोलीले हेटौँडा– १५ स्थित रातोमाटे चेक पोष्टमा ना. ४ ख. १०११ नम्बरको ट्रकमा चेकजाँच गर्ने क्रममा २० वटा गोरु फेला परेको हो ।

ट्रकमा फेला परेका २० वटा गोरु र उक्त ट्रकमा रहेका गोरुहरूको लागि चाहिने आवश्यक कागजात नभएको जिल्ला प्रहरी कार्यालय मकवानपुरद्वारा जारी विज्ञप्तिमा उल्लेख छ ।

गोरुसहित पक्राउ परेको ट्रकलाई मकवानपुर प्रहरीले आवश्यक कारवाहीको लागि पशु क्वारेन्ट टाईन चेक पोष्ट पथलैया बारामा पठाएको छ ।

Published : Saturday, 2017 October 21, 3:19 pm

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया