नोकियाको नयाँ फोन लन्च

लण्डन । २५ वर्षपछि नोकिया ३२१० फोनलाई बजारमा ल्याइएको छ ।

फिनिस कम्पनी एचएमडी ग्लोबलले नोकियाको कुनै बेलाको निकै चर्चित मोडेलको फोन सार्वजनिक गरेको छ ।

नोकिया ३२१० को पछिल्लो संस्करणमा नयाँ लुक्सको डिजाइन र अपडेटेड स्पेसिफिकेसन्स रहेका छन् । यसले युट्युब शर्ट्स जस्ता एपहरूलाई सपोर्ट गर्दछ ।

नोकियाको सिग्नेचर गेमहरू, टी ९ किप्याड, ट्रयाकप्याड तथा एउटा रियर क्यामेरा सेटअप रहेको छ ।

२ मेगापिक्सेलको हुनुका साथै एलइडी फ्लास पनि राखिएको छ । २.४ इन्चको रंगीन डिस्प्ले रहेको छ ।

स्टोरेजलाई माइक्रोएसडीको माध्यमबाट ३२ गिगाबाइटसम्म बढाउन सकिन्छ ।

फोनमा १४५० मिलि एम्पियर आवरको निकाल्न मिल्ने ब्याट्री छ । फोनमा ब्लुटुथ ५.०, युएसबी सी पोर्ट र डुअल सिम फोर जी सपोर्ट रहेको छ । फोनको तौल ८७.८ ग्राम छ । एजेन्सी

Published : Friday, 2024 May 10, 8:23 pm